Каткенов Кусаин Амангельдинович - директор, педагогика ғылымының кандидаты
Құрметті жоғары колледж студенттері,
оқытушылары мен қызметкерлері!
Сіздерді келе жатқан мереке – Республика күнімен құттықтаймын!
Республика күні ерекше тарихи маңызы бар және қазақстандық мемлекеттіліктің дамуына елеулі ықпал еткен оқиғаны еске алу үшін белгіленген Қазақстанның басты және жалғыз Ұлттық мерекесі болып табылады.
1990 жылдың 25 қазанында Қазақ КСР Жоғарғы Кеңесінің Қаулысымен Мемлекеттік егемендік туралы декларация қабылданды. Декларация Қазақ КСР-нің егемендігін және Қазақстанның тәуелсіз мемлекет ретіндегі саяси-құқықтық негіздерін жариялады.
2009 жылғы 22 сәуірде Қазақстанда Республика күнін мерекелеудің күшін жоятын заң қабылданды. Бірақ биылғы жылы тарихи әділеттілік орнады: 2022 жылдың 29 қыркүйегінде Қазақстан Президенті Қасым-Жомарт Тоқаев Заңға қол қойды, оған сәйкес Республика күніне ұлттық мереке мәртебесі қайтарылды. Бұл өте маңызды саяси шешім. Еліміздің тәуелсіздігі шынымен де осы күннен басталады. Сондықтан бұл күнді ұлттық мереке ретінде бекіту - мемлекеттілік пен егемендік тұрғысынан өте маңызды қадам болып табылады және болашақта Республика күні еліміздің тәуелсіздігін насихаттауға және нығайтуға өз үлесін қосады.
Құрметті достар! Республика күні – атаулы күн қарсаңында – баршаңызға шын жүректен денсаулық, бейбітшілік, мейірімділік, бақ-береке, оқуыңыз бен еңбектеріңізде жаңа табыстар тілеймін!
Құрметпен, колледж директоры Каткенов Кусаин Амангельдинович
