2024 жылғы 15 наурызда Қостанай жоғары политехникалық колледжінде «ТАБЫС ЖОЛЫ-2024: БІЛІМ. ҒЫЛЫМ. КӘСІП» тақырыбында Халықаралық студенттік ғылыми-практикалық конференция өтті. Конференция Студенттердің шығармашылық бастамаларын қолдауға, ғылыми-зерттеу қызметінің тәжірибесін таратуға, студенттік ортадағы зерттеу қызметінің мәртебесін арттыруға және қолдауға, студенттердің ғылыми және шығармашылық белсенділігін дамытуға бағытталған.

Халықаралық студенттікғылыми-тәжірибелік конференция тәжірибемен, ғылыми жетістіктермен және нәтижелермен алмасу алаңы болып табылады. Аталған іс-шара аясында қорытындылар шығарылып, жаңа ғылыми мақсаттар қойылады. Ғылыми-тәжірибелік конференция студенттерге ірі ғылыми іс-шараларға қатысу тәжірибесін алуға, әрі қарай даму үшін өзінің ғылыми бағытын таңдауға мүмкіндік береді.

Конференцияда Қазақстан, Ресей және Қырғызстаннан 200-ден астам студент өздерінің шығармашылық идеяларын ұсынды: Астана қ., Алматы қ., Санкт-Петербург қ., Бішкек қ., Ақтау қ., Ақтөбе қ., Арқалық қ., Атырау қ., Балқаш қ., Жамбыл қ., Жезқазған Қ., Жітіқара қ., Есік қ., Қаскелең қ., Кентау қ., Көкшетау қ., Қостанай қ., Павлодар қ. Петропавл қ. Риддер, Рудный қ., Саран қ., Семей қ., Түркістан қ., Орал қ., Өскемен қ., Челябинск қ., Оңтүстік Орал қ., Щучинск қ. Конференция екі тілде өтті: қазақ және орыс тілдері.

Конференцияға ұсынылған ғылыми-зерттеу жұмыстарын бағалауды қазылар алқасы жүргізді, оның құрамына ғылым докторы, PhD докторы, ғылым кандидаты, ғылым магистрі академиялық дәрежесі бар педагогтар кірді.

Сөз сөйлеушілер материалды иеленудің жоғары деңгейін көрсетті, барлық қойылған сұрақтарға жауап берді, жұмыстардың дербестігін растады, сондай-ақ өз секцияларында бірінші және жүлделі орындарға ие бола отырып, олардың өзектілігі мен ғылыми жаңалығын сенімді түрде дәлелдеді.

Конференция аясында ғылыми жетекшілер үшін семинар ұйымдастырылды, онда белгілі жаңашыл педагогтар білім беру саласындағы өзекті тақырыптарды қамтыды: «Өзіңе және басқаларына қалай тәлімгер болу керек» тақырыбы, спикер Алимбаева А.К. Жітіқара ауданының білім бөлімінің №12 ЖББМ директорының ОТЖ жөніндегі орынбасары; «Ғылыми-зерттеу қызметі білім алушылардың шығармашылық қабілеттерін дамыту факторы ретінде» тақырыбы, спикер Дюсекеева Л.К.  Қостанай жоғары политехникалық колледжі директорының ОТЖ жөніндегі орынбасары; «Білім берудегі жасанды интеллект элементтері» тақырыбы, спикер Тулегенов Е.Н. Қостанай жоғары политехникалық колледжінің АЭП кафедрасының меңгерушісі; «Жас ұрпақтың кәсіпкерлік бастамасын дамыту» тақырыбы, спикер Бибик В.В. Қостанай автомобиль көлігі колледжі директорының ҒӘЖ жөніндегі орынбасары; «Іс-шаралардың заманауи интерактивті форматтары» тақырыбы, спикер Кайпбаева Ж.Ш. Қостанай жоғары политехникалық колледжі директорының ОӘЖ жөніндегі орынбасары.

Материалды дайындаған: Ж.Ш. Кайпбаева, директордың ОӘЖ жөніндегі орынбасары