2018 жылдың 14 қарашасында Мәдениет және спорт министрлігінің ұйымдастыруымен қазақ әліпбиін латын графикасына көшіру жұмыстары аясында республика бойынша Жалпыхалықтық диктант өтті.

Жалпыреспубликалық акция жаңа қазақ әліпбиін насихаттауға, латын негізді қазақ әліпбиін практикалық тұрғыдан меңгеруге дағдыландыруға бағытталған.

Аталған іс-шараға Қостанай жоғары политехникалық колледжінің 20 студенті мен 12 оқытушысы қатысып, латын әліпбиінде «Рухани жаңғыру» атты тақырыбында диктант жазды. Диктанттың қорытындысы бойынша қатысушылардың нәтижелері өте жақсы деген көрсеткішке ие болды.