2026 жылғы 5 маусымда Қостанай политехникалық жоғары колледжінде оқытушыларды, студенттерді және колледж қонақтарын біріктірген дәстүрлі «Триумф–2026» салтанатты марапаттау рәсімі өтті. Іс-шара оқу жылының жарқын қорытындысы болып, ең белсенді, талантты және табысты студенттерді құрметтеуге арналды.

Салтанатты жиынды колледж директорының міндетін атқарушы Щербакова Ирина Альбертовна ашып, студенттерді жетістіктерімен құттықтады. Ол олардың колледждің дамуына қосқан үлесін атап өтіп, алдағы уақытта жаңа жеңістер мен табыстар тіледі.

Рәсім барысында түрлі бағыттарда жетістікке жеткен студенттер марапатталды. Азаматтық белсенділігімен, көшбасшылық қасиеттерімен және патриоттық ұстанымымен ерекшеленген «Sanaly urpaq» клубының белсенді мүшелері мен «Жас Сарбаз» әскери-патриоттық клубының тәрбиеленушілеріне алғыс хаттар мен грамоталар табысталды.

Ақпараттық технологиялар саласында жоғары нәтижелер көрсеткен студенттерге ерекше назар аударылды. Ғылыми-зерттеу жобаларының, байқаулардың, хакатондардың және IT жарыстарының жеңімпаздары мен жүлдегерлері марапатталды. Сонымен қатар оқу, ғылыми-зерттеу қызметінде, пәндік олимпиадаларда, ғылыми-практикалық конференциялар мен кәсіби байқауларда жетістікке жеткен студенттер де марапатқа ие болды.

Спорттық жетістіктерге арналған арнайы марапаттау блогында түрлі деңгейдегі жарыстарда жоғары нәтиже көрсеткен, колледждің спорттық өміріне белсенді қатысқан және салауатты өмір салтын насихаттаған студенттер құрметке ие болды.

Студенттердің шығармашылық жетістіктері де назардан тыс қалмады. Марапаттар облыстық «Student Vision – 2026» байқауының жеңімпаздарына, сондай-ақ өңірдің шығармашылық алаңдарында колледж намысын абыроймен қорғап жүрген «Мирас» хореографиялық ансамблінің мүшелеріне табысталды.

Сондай-ақ «Креатив» медиа-студиясының, экологиялық үйірменің, робототехника үйірмесінің, «Поющая домбра» және «Поющие сердца» вокалдық ұжымдарының, «Мейірімді жүрек» және «Біз біргеміз» еріктілер бірлестіктерінің, «Дети Фрейда» психологиялық клубының белсенді мүшелері мен колледждің қоғамдық өміріне белсене араласатын студенттер марапатталды.

Жалпы алғанда, салтанатты рәсім аясында 139 марапат пен алғыс хат табысталды. Студенттер оқу, ғылыми-зерттеу қызметі, ақпараттық технологиялар, спорт, шығармашылық, еріктілік қозғалысы және қоғамдық өмір салаларындағы жетістіктері үшін марапатталды.

Құттықтау сөз сөйлеп, марапаттарды табыстауға ақпараттық технологиялар жөніндегі директордың орынбасары Храмей Ирина Сергеевна, директордың оқу-әдістемелік жұмысы жөніндегі орынбасарының міндетін атқарушы Аяғанова Бакита Займуловна, дене тәрбиесі кафедрасының меңгерушісі Құжахметова Анар Жетпісовна, педагог-ұйымдастырушы Газизова Назира Булатовна және директордың оқу-тәрбие жұмысы жөніндегі орынбасары Дюсекеева Людмила Қабдоллаевна қатысты.

Мерекенің сәнін «Мирас» хореографиялық ансамблінің, «Student Vision – 2026» жеңімпаздарының және колледждің талантты студенттерінің өнер көрсетулері келтірді.

«Триумф–2026» салтанатты рәсімі Қостанай политехникалық жоғары колледжі студенттерінің мақсаткерлігі мен белсенді өмірлік ұстанымын тағы бір мәрте дәлелдеді. Бұл мереке олардың жетістіктерін лайықты бағалап, жаңа белестерді бағындыруға шабыт берді.