2026 жылғы 1 қыркүйекте Қостанай жоғары политехникалық колледжінің орталық кіреберісі алдындағы алаңда Білім күні мен жаңа оқу жылының басталуына арналған салтанатты жиын өтті. Биылғы мерекелік іс-шара «Таза Қазақстан: Конституция құндылықтары – экологиялық мәдениет пен жауапкершіліктің негізі» тақырыбы аясында өтіп, өз тарихын 1971 жылдан бастаған білім ордасының 55 жылдық мерейтойымен тұс келді.

Салтанатты жиын әсем қазақ биімен және Қазақстан Республикасының Мемлекеттік Әнұранымен ашылды. Құттықтау сөз бен жылы лебіздерін колледж директоры Құсайын Амангелдіұлы Қаткенов пен құрметті қонақ — педагогикалық еңбек ардагері, КСРО және ҚазКСР халық ағарту ісінің үздігі, Қостанай облысының Құрметті азаматы Светлана Григорьевна Мачнева арнады. Салтанатты шарада колледж әкімшілігі ресми түрде таныстырылып, өткен оқу жылының қорытындылары шығарылды. Олардың қатарында WorldSkills-2026 өңірлік чемпионатындағы жүделі орындар, шығармашылық конкурстар мен дебаттардағы жеңістер, сондай-ақ Қостанай облысы колледждерінің спартакиадасында шахмат, үстел теннисі, тоғызқұмалақ, волейбол және шаңғы жарысы бойынша иеленген көптеген жүделі орындар бар.

Мерекенің басты кейіпкерлері ұйымшыл студенттік отбасының қатарын толықтырған 415 бірінші курс студенті болды. Шығармашылық нөмірлер мен ыстық ықыласты құттықтаулардан кейін, кураторлардың сүйемелдеуімен таңдаған мамандықтарының шыңына жол бастау үшін колледж ғимаратына бірінші болып кіру құрметі дәл осы бірінші курс студенттеріне берілді.