2026 жылғы 29 қазанда Қостанай политехникалық жоғары колледжінде екінші курс білім алушыларына арналған Қостанай облысы Полиция департаментінің Ұйымдасқан қылмысқа қарсы күрес басқармасы өкілдерінің қатысуымен дәріс-әңгіме өткізілді.

Іс-шараға Қостанай облысы Полиция департаментінің Ұйымдасқан қылмысқа қарсы күрес басқармасының аға жедел уәкілі, полиция капитаны Жанбуршинов Бекзат Дулатович және Қостанай облысы Полиция департаментінің Ұйымдасқан қылмысқа қарсы күрес басқармасының аса маңызды істер жөніндегі аға жедел уәкілі, полиция майоры Қалдыбек Әдихан Русланұлы қатысты. Кездесуге колледждің 40 білім алушысы қатысты.

Талқылаудың негізгі тақырыптары адам саудасы, буллинг және лудомания болды. Құқық қорғау органдарының өкілдері студенттерге жасөспірімдер тап болуы мүмкін қауіптер туралы айтып, тәуекелді мінез-құлықтың ықтимал салдарын түсіндірді және заң талаптарын сақтаудың маңыздылығын атап өтті.

Кездесу барысында жеке қауіпсіздік мәселелеріне, кәмелетке толмағандардың қауіпті жағдайларға тартылуының алдын алуға, буллингке қарсы іс-қимылға және құмар ойындарға жауапкершілікпен қарауды қалыптастыруға ерекше назар аударылды. Білім алушылар ықтимал қауіптерді анықтау, теріс ықпалға берілмеу және қажет болған жағдайда ересектер мен тиісті мамандардан уақтылы көмек сұрау туралы маңызды ақпарат алды.

Осындай профилактикалық іс-шаралар жастардың құқықтық сауаттылығын арттыруға, өз әрекеттеріне саналы түрде қарауын қалыптастыруға және білім алушылар арасындағы құқық бұзушылықтардың алдын алуға ықпал етеді.

Колледждегі профилактикалық жұмыс қауіпсіз білім беру ортасын қалыптастыруға, жастардың құқықтық мәдениетін дамытуға және жауапты азаматтарды тәрбиелеуге бағытталған.