Колледж кітапханасында Қостанай облысының 90 жылдығына арналған «Қостанай өңірі: өткені, бүгіні, болашағы» атты кітап көрмесі ұйымдастырылды.

Кітап көрмесі оқырмандарды туған өлкенің бай тарихымен, мәдениетімен, салт-дәстүрімен және танымал тұлғаларымен таныстырады. Көрмеге қойылған кітаптар мен материалдарда Қостанай облысының қалыптасуы мен дамуының маңызды кезеңдері, бүгінгі жетістіктері мен болашақтағы даму бағыттары көрініс тапқан.

Көрмеде өлкетану әдебиеттеріне ерекше көңіл бөлінген. Бұл кітаптар жас ұрпаққа туған өлкенің тарихын тереңірек танып-білуге, өз өлкесімен мақтануға және оның мәдени мұрасын құрметтеуге мүмкіндік береді.

Кітап көрмесі студенттер мен оқытушыларды Қостанай өңірінің өткен тарихын зерделеуге, бүгінгі жетістіктерін бағалауға және оның жарқын болашағы туралы ойлануға шақырады.

#АдалАзамат