«Еңбек адал жас өрен» жобасын іске асыру аясында колледжде «Мамандықтар калейдоскопы» атты бейнероликтер мен презентациялар байқауы ұйымдастырылды. Іс-шараның мақсаты – еңбекке құрметпен қарау мәдениетін қалыптастыру, студенттердің таңдаған мамандығына деген қызығушылығын арттыру және олардың шығармашылық қабілеттерін дамыту.

Байқауға ХП-25, ХП-26, СТ-8, СТ-6 және А-3 топтарының студенттері қатысты. Әр команда өз мамандығының мәнін, оның қазіргі замандағы маңыздылығын және даму болашағын ашып көрсететін бейнепрезентация ұсынды.

Қатысушылардың жұмыстары мазмұнының тереңдігімен, ерекше идеяларымен және шығармашылық тәсілдерімен ерекшеленді. Студенттер жоғары дайындық деңгейін, топпен жұмыс істей білу қабілетін көрсетіп, өз мамандықтарына байланысты практикалық дағдыларын танытты.

«Еңбек адал жас өрен» жобасының басты құндылықтары саналатын адалдық пен еңбекқорлық мәселелеріне ерекше назар аударылды. Шығармашылық формат арқылы қатысушылар еңбек этикасы мен кәсіби қызметтегі жеке жауапкершіліктің маңыздылығын аудиторияға жеткізе білді.

Мускина Ж. Ж., педагог-ұйымдастырушы

  #Біртұтас_тәрбие