2026 жылғы 11 ақпанда колледжде 04110100 – «Есеп және аудит» мамандығы студенттерінің өндірістік 09-модуль «Ұйым мен оның бөлімшелерінің шаруашылық-қаржылық қызметін кешенді талдауға қатысу» аясында бизнес-идеяларын қорғау өтті.

Іс-шараның мақсаты – студенттердің бизнес-жоспар әзірлеу, қаржылық талдау жүргізу, тәуекелдерді бағалау және нақты кәсіпкерлік қызметке барынша жақын жағдайларда басқарушылық шешімдер қабылдау бойынша практикалық дағдыларын қалыптастыру.

3Б-5 тобының студенттері әзірлеген бизнес-жоспарларын ұсынып, жоғары дайындық деңгейін, жобалардың қаржылық негіздемесінің сауаттылығын және шаруашылық-қаржылық қызметті талдау дағдыларын сенімді қолдана алатынын көрсетті.

Жобалардың негізгі бағыттары:

• Қазақстан Республикасы бойынша туризм;
• фитнес және пайдалы тамақтану;
• сұлулық салоны мен кофехана;
• фермерлік өнімдер және гүлдер дүкені;
• ұлттық киім;
• бухгалтерлік және консалтингтік қызметтер;
• экологиялық және әлеуметтік бағыттағы жобалар.

Барлық жұмыстар нарықты талдауды, ұйымдастырушылық және қаржылық жоспарларды, рентабельділікті есептеуді және тәуекелдерді бағалауды қамтыды.

Қорғау нәтижесінде студенттердің шаруашылық-қаржылық қызметті талдау бойынша білімдерін сенімді қолданатыны және практикалық кәсіби қызметке дайын екендігі дәлелденді.

Ақпаратты дайындаған: Контробаева Ж.Д.