2025 жылғы 14 сәуір Қостанай политехникалық жоғары колледжінің акт залында «Жыныстық тәрбие және адамгершілік бағдарлар: жасөспірімге дұрыс таңдау жасауға қалай көмектесуге болады» тақырыбында дәріс өтті. Дәрістің мақсаты – жастарға репродуктивтік денсаулықты сақтау, қажетсіз жүктіліктің алдын алу және аборттың ықтимал салдары туралы ақпарат беру. Шараға колледждің 287 студенті қатысты.

№5 емхананың акушері Луиза Исаевна Гадиева студенттер алдында баяндама жасап, аборттың физиологиялық және психологиялық салдары туралы айтты. Ол әйел ағзасына тигізетін әсері мен болашақта туындауы мүмкін асқынуларды атап өтті. Дәрігер сондай-ақ контрацепция мәселелеріне тоқталып, қазіргі заманғы қорғаныс әдістерін түсіндірді және денсаулыққа саналы көзқарастың маңыздылығын атап өтті.

Сонымен қатар, Қостанай политехникалық жоғары колледжінің әлеуметтік педагогы Мускина Ж.Ж. «Кәмелетке толмағандардың жыныстық қол сұғылмаушылығына байланысты қылмыстардың алдын алу» тақырыбында баяндама жасады. Ол студенттерге осы мәселенің құқықтық аспектілері, жауапкершілік шаралары және мораль мен заңдылыққа саналы көзқарас қалыптастырудың маңызы туралы айтты.

Дәріс студенттердің үлкен қызығушылығын тудырды. Іс-шара соңында қатысушылар мамандардан өздерін қызықтырған сұрақтарға толық жауап алды. Мұндай кездесулер жастардың денсаулығына жауапты көзқарасын қалыптастыруға және ойланбай жасалған шешімдердің теріс салдарын алдын алуға көмектеседі.

Мускина Ж. Ж., педагог-ұйымдастырушы

  #Біртұтас_тәрбие