15 қыркүйекте колледж білім алушыларының заң кеңесшісі Р. Мұсаиновамен академиялық адалдық және құқықтық сыбайлас жемқорлыққа қарсы сауаттылық мәселелеріне арналған кездесуі өтті.Кездесу барысында студенттерге академиялық адалдықтың негізгі қағидаттары түсіндірілді: оқу тапсырмаларын адал орындау, білімді бақылау кезінде өз бетінше жұмыс істеу, көшіруге, плагиатқа, нәтижелерді бұрмалауға және басқа адамдардың жұмыстарын пайдалануға жол бермеу. Ақпарат көздерін дұрыс көрсетуге, сондай-ақ оқу үдерісінде цифрлық технологиялар мен жасанды интеллектіні жауапкершілікпен пайдалануға ерекше назар аударылды. Кездесудің сыбайлас жемқорлыққа қарсы бөлімінде білім алушылар сыбайлас жемқорлық ұғымымен, оның негізгі көріністерімен және қоғам мен мемлекет үшін теріс салдарларымен танысты. Студенттерге баға, сынақ нәтижелері және қандай да бір артықшылықтар беру үшін сыйақы ұсынуға немесе алуға жол берілмейтіні ескертілді. Кездесуге қатысушыларға даулы жағдайлар туындаған кезде қалай әрекет ету керектігі және өз құқықтарының бұзылуына немесе сыбайлас жемқорлық сипатындағы фактілерге тап болған жағдайда қайда жүгінуге болатыны түсіндірілді. Колледж басшылығын уақтылы хабардар ету және ресми арналар арқылы жүгіну әрбір жағдайдың объективті қаралуын қамтамасыз етуге көмектесетіні атап өтілді.