2024 жылғы 15 ақпанда Кеңес әскерлерінің шектеулі контингенті Ауғанстан Республикасынан шығарылғанына 35 жыл толуына орай “Мирас” мәдениет сарайында мерекелік концерт өтті.

Аталған іс-шараға Ауған соғысының ардагерлері, Қарулы Күштердің ардагерлері, Қостанай қаласының әскери-патриоттық клубтарының тәрбиеленушілері, оның ішінде “Жас Сарбаз” ӘПК-ның Қостанай политехникалық жоғары колледжінің студенттері шақырылды. Бұл ЭС-17, ЭС-19, ПО-6, ПО-7, А-2, Б-4 топтарының студенттері.

Дәстүр бойынша, іс-шара басталғанға дейін барлығы интернационалист-жауынгерлерге арналған мемориалдың жанындағы Жеңіс саябағына жиналды, онда салтанатты түрде гүл шоқтарын қою рәсімімен митинг өтті.

Бұдан әрі “Мирас” МҮ шығармашылық ұжымдары мен әртістері мерекелік концерт дайындады, онда сарбаздардың батылдығына, өжеттілігі мен даңқына арналған әндер орындалды, өйткені олар өз итернационалдық борыштарын абыроймен, соңына дейін орындады!

Ақпаратты дайындаған: Нұрқанов М. К.

Фатхудинов Р. Р.