2026 жылғы 13 сәуірде 1–4 курс студенттері арасында «Конституция — тұрақтылық пен жасампаздықтың кепілі» тақырыбында «Адал азамат» бірыңғай тәрбие бағдарламасы аясында бірыңғай кураторлық сағат өткізілді.

Іс-шараның мақсаты — білім алушыларға Қазақстан Республикасы Конституциясының жаңартылған мазмұнын түсіндіру, олардың құқықтық сауаттылық деңгейін арттыру, сондай-ақ азаматтық жауапкершілік пен белсенді өмірлік ұстанымды қалыптастыру болды.

Кураторлық сағат барысында студенттер Конституцияның негізгі баптары мен ережелерін еске түсіріп, енгізілген түзетулерді жан-жақты қарастырды. Республикалық референдумның шешім қабылдаудағы маңызды демократиялық тетік ретіндегі маңызына ерекше назар аударылды. Қатысушылар енгізілген өзгерістердің маңыздылығын атап өтіп, олардың әділеттілік, заңдылық және мемлекеттің тұрақты дамуы қағидаттарын нығайтуға бағытталғанын айтты.

Іс-шара ашық диалог форматында өтті, бұл студенттерге өз пікірлерін білдіруге, сұрақтар қоюға және Конституцияның қоғам мен әрбір азамат өміріндегі рөлін тереңірек түсінуге мүмкіндік берді.

Дайындаған: Вдовиков А.А., тарих пәнінің оқытушысы
#адал_азамат