27 наурызда Қостанай политехникалық жоғары колледжінде студенттер арасында волонтерлік қозғалысты дамытуға бағытталған «Қамқор» әлеуметтік жобасы аясында іс-шаралар өтті.

Жобаның негізгі бағыттарының бірі – қоршаған ортаға гумандық қатынас қалыптастыру. Осы жолы студенттер ерекше көңіл бөліп, жануарларға қамқорлық көрсетті, шынайы мейірімділік пен жанашырлық танытты.

Акцияға қатысушылар жануарларға көмек көрсетуге бағытталған іс-шараларда белсенділік көрсетті. Мұндай бастамалар тек нақты қолдау көрсетіп қана қоймай, жастарда жауапкершілік, мейірімділік және тіршілікке деген құрмет сезімін қалыптастырады.

«Қамқор» жобасы студенттерді ізгі істер жасауға біріктіріп, тіпті кішкентай қадамдар да үлкен мәнге ие болатынын көрсетеді. Жануарларға қамқорлық жасау – экологиялық мәдениетті және адамгершілікті тәрбиелеудің маңызды бөлігі.

Мұндай іс-шаралар студенттерді болашақта волонтерлік қызметке белсенді қатысуға шабыттандырады және азаматтық белсенділікті арттыруға ықпал етеді.

Қалқаман А.Қ., Жастар ісі жөніндегі комитеттің инспекторы

#адал_азамат