Бүгін Қостанай политехникалық жоғары колледжінің студенттері жақсылықтың іс-әрекеттен басталатынын тағы бір дәлелдеді. «Мейірімді жүрек» еріктілер клубының мүшелері жалғызбасты әжеге ауласындағы түскен жапырақтарды жинауға көмектесті.

Тырма мен қаптарды қолға алған жастар жұмысты тез әрі ұйымшылдықпен орындап шықты. Әже үшін бұл күтпеген, бірақ өте жағымды тосынсый болды — енді оның ауласы таза әрі ұқыпты.

Жұмыс аяқталған соң студенттер әжемен әңгімелесіп, оның өмірлік оқиғалары мен тілектерін тыңдады. Ол жастарға қамқорлығы мен назарлары үшін алғыс айтып, осындай кездесулердің күш-қуат пен жақсы көңіл-күй сыйлайтынын атап өтті.

Мұндай игі істер «Мейірімді жүрек» еріктілер қозғалысы үшін жақсы дәстүрге айналды. Жастар әрдайым көмекке келуге, игі іс жасауға және айналасына мейірім шуағын сыйлауға дайын. Себебі үлкен ізгілік дәл осындай қарапайым істерден басталады.

                   Қалқаман А.Қ., Жастар ісі жөніндегі комитеттің инспекторы #адал_азамат