2024 жылдың 14 қарашасында Қостанай политехникалық жоғары колледжінде Халықаралық студенттер күніне арналған және «Адал азамат» тәрбиелік бағдарламасы аясында жүзеге асырылған «Өзін-өзі басқару күні» өтті.

Іс-шараның мақсаты — студенттердің бастамашылдығын, жауапкершілігін және көшбасшылық қасиеттерін дамыту, сондай-ақ олардың оқу-тәрбие процесіне белсенді қатысуына жағдай жасау.

«Дене шынықтыру» пәні бойынша 4 ПО-4 тобындағы оқу сабағын жоғары курс студенттері — Лакеев Владислав Ярославович пен Авзалов Дияр Мұратович жүргізді.

Олар жоғары деңгейдегі дайындықтарын, ұйымдасқандық пен өзіндік сенімділікті көрсетті. Сабақ бағдарламасына жаттығу-жылынық, негізгі техникалық элементтер және тәжірибелік бөлім енгізілді. Топ студенттері белсенді қатысып, «оқытушыларды» қолдап, сабақтың қызықты әрі қарқынды өткенін атап өтті.

Ұлттық интеллектуалдық ойын — тоғызқұмалақ бойынша факультативке қатысатын студенттер де Өзін-өзі басқару күніне белсене қатысты. Сабақты 1 курс студенті Марченко Ярослав жүргізді. Ол ойын стратегиясын жақсы меңгергендіктен факультативті өткізуге таңдалды.

Ярослав ережелерді түсіндіріп, стратегиялық тәсілдерді көрсетіп, шағын практикалық бөлім ұйымдастырды. Студенттер өз білімін іс жүзінде қолдануға мүмкіндік алды. Сабақ белсенді өтіп, қатысушылардың ерекше қызығушылығын тудырды.

«Хореография» бағыты бойынша сабақты студент Жайлейбаева Айдана жүргізді.

Айдана динамикалық сабақ дайындап, оған қыздыру жаттығуларын, би техникасының негізгі элементтерін және шағын композицияны қосты. Студенттер белсенді қатысып, Айдананың шығармашылық көзқарасын және сенімділігін жоғары бағалады.

Өзін-өзі басқару күні студенттерге көшбасшылық қабілеттерін көрсетуге, өзін педагог ретінде сынап көруге, сондай-ақ спорт, интеллектуалды ойындар және шығармашылық бағыттар бойынша дағдыларын дамытуға тамаша мүмкіндік болды. Іс-шара жоғары деңгейде өтіп, ұйымдастырушылар мен қатысушылардың оң пікірлеріне ие болды.

Газизова Н.Б., педагог-ұйымдастырушы

#адал_азамат