17 қыркүйек күні Қостанай политехникалық жоғары колледжінде «Қатты тәртіп көрсе бала күнінде…» тақырыбында құқықтық сағат өтті. Іс-шара студенттер арасында құқықтық сауаттылықты арттыруға арналды.

Іс-шараға кәмелетке толмағандар ісі жөніндегі аға инспектор Р.Б. Кендирбаева қатысты. Ол студенттердің әртүрлі құқық бұзушылықтар үшін әкімшілік және қылмыстық жауапкершілігі туралы толық айтып берді. Әңгіме барысында мынадай маңызды тақырыптар қозғалды:

• Жол жүру ережелерін бұзу: Инспектор жаяу жүргіншілер мен жүргізушілер үшін болуы мүмкін салдарларды еске салды.
• Буллинг және кибербуллинг: Қудалауды қалай тануға және өзіңді қалай қорғауға болатыны, сондай-ақ агрессорларға қандай жаза қарастырылғаны талқыланды.
• Интернет-алаяқтық: Желіде алаяқтардың құрбаны болмау үшін қандай ұсыныстар бар екені айтылды.
• Жыныстық тиіспеушілікке қарсы қылмыстар: Инспектор заңды сақтаудың маңыздылығын және осындай құқық бұзушылықтар үшін жаза шараларын атап өтті.
• Есірткі заттарын тұтынудың алдын алу және олардың заңсыз айналымына байланысты қылмыстар үшін жауапкершілік.
• Бопсалау. Тонау: Инспектор тонаудың ұрлықтан айырмашылығы – тонау кезінде ұрлау жәбірленушінің көзінше ашық түрде жасалатынын түсіндірді. Екі қылмыс үшін де қатаң қылмыстық жауапкершілік қарастырылған.
• Терроризм актісі туралы көрінеу жалған хабарлама: Жарылыс, өрт қою немесе адамдарға қауіп төндіретін басқа да әрекеттер туралы кез келген хабарлама, тіпті ол жалған болса да, қылмыстық жауапкершілікке жататын әрекет екені түсіндірілді. Мұндай хабарламалардың салдары талқыланды: арнайы қызметтердің жұмысын іске қосу, адамдарды эвакуациялау, мекемелердің жұмысының бұзылуы. Мұның бәрі қоғамға орасан зор зиян келтіреді. Мұндай әрекеттер үшін зиян келтіру ниеті болғанына қарамастан, бас бостандығынан айыруға дейін баратын ауыр жазалар қарастырылғаны атап өтілді.

Кездесу ашық диалог форматында өтті, онда әрбір студент өзін қызықтырған сұрақтарды қоя алды. Мұндай іс-шаралар жастар арасындағы құқықтық сауаттылықты арттыруға және студенттерді жауапты шешім қабылдауға үйретуге көмектеседі.

Дюсекеева Л.К., ОТЖ жөніндегі директордың орынбасары