2024 жылғы 6-8 қараша аралығында Қостанай политехникалық жоғары колледжінде Ұлы Отан соғысы ұшқыштарының ерлігіне арналған “Өжеттілік сабағы” өтті. Іс – шараның негізгі мақсаты-Отанға деген азаматтық пен адалдықты тәрбиелеу, сондай-ақ тарихи деректер мен дәстүрлерді сақтау.

Сабақ СТ-8 және М-14 топтарының студенттері үшін өткізілді. Іс-шара барысында Талғат Бегелдинов, Леонид Беда және Иван Павлов сияқты көрнекті қазақстандық ұшқыштары туралы баяндайтын бейнематериалдар ұсынылды, олардың әрқайсысы 200-ден астам жауынгерлік ұшулар жасады. Жауынгер-ұшқыш Сергей Луганский жеке және топтық шайқастарда жаудың 37 ұшағын атып түсірді. Батылдығы мен ерлігі үшін ұшқыштар екі мәртте Кеңес Одағының Батыры атағына ие болды.

Ұшқыштар қиын жағдайда әрекет етіп, әуе шайқастарына батыл кіріп, әскерлері мен тылын қорғау үшін бетпе-бет соққыларын қолданды. Бейнематериалды көргеннен кейін студенттер белсенді түрде сұрақтар қойып, толық жауаптар алды.

Ата-бабаларының ерліктері мысалында тәрбиеленген бүгінгі ұрпақ жауынгерлік жолдастық дәстүрлерін сақтай отырып, қазіргі жағдайда батылдық пен жанқиярлықты көрсетеді деп сенеміз.

Ақпаратты дайындаған: АӘжТД оқытушы-ұйымдастырушылары  Фатхудинов Р.Р., Нұрқанов М. Қ.

#Біртұтас_тәрбие