- admin
- 12.03.2025
- No Comments
- Жаңалықтар
7 наурыз күні Қостанай политехникалық жоғары колледжінің акт залында Халықаралық әйелдер күніне арналған мерекелік іс-шара өтті. Бұл күні колледжде қуаныш, күлімсіреу және жылы құттықтауларға толы атмосфера орнады.
Таңертеңнен бастап студенттер ұстаздар мен студент қыздарды жылы лебіздерімен қарсы алып, «тірі дәліз» ұйымдастырды. Олардың қолында өз қолдарымен жасалған ашықхаттар болды. Әр ашықхатта QR-код орналастырылып, оны сканерлегенде студенттердің арнайы дайындаған бейнеқұттықтауларын көруге мүмкіндік болды.
Мерекенің жарқын сәттерінің бірі ұстаздар мен студент қыздарға арналған алғыс пен ізгі тілектер жазылған «Тілек ағашы» болды. Кез келген адам өзінің тілегін жазып, мейірім мен қамқорлық атмосферасын қалыптастырды.
Акт залындағы мерекелік іс-шара студенттердің музыкалық және би нөмірлерімен толықты. Жүректен шыққан әндер, жүрек тебірентерлік құттықтаулар мен көңілді өнер көрсету кештің шырайын кіргізіп, баршаға көтеріңкі көңіл-күй сыйлады.
Сонымен қатар, мерекелік шара барысында колледждің ұстаздары мен белсенді студенттері арнайы грамоталармен марапатталды. Бұл олардың еңбегі мен жетістіктерін жоғары бағалаудың көрінісі болды.
Колледж ұжымы барлық әйелдерді осы тамаша көктем мерекесімен құттықтап, оларға бақыт, амандық және кәсіби табыс тіледі. Бұл күн шын жүректен шыққан қамқорлық пен шынайы лебіздер мерекені ерекше ететінін тағы да дәлелдеді.
Мускина Ж. Ж., педагог-ұйымдастырушы
#Біртұтас_тәрбие







