2025 жылдың 22 қазанында Қостанай политехникалық жоғары колледжінің студенттеріҚазақстан Республикасының күніне арналған «Суды — қымбат ресурс!» атты экологиялық акцияға қатысты.

          Іс-шараның мақсаты — жастардың табиғи байлықтарға жауапкершілікпен қарау мәдениетін қалыптастыру, су ресурстарына ұқыпты қарауға тәрбиелеу және экологиялық мәдениетті арттыру болды.

         Акция аясында тұщы суды сақтау, оны ұтымды пайдалану және су қоймаларының ластануын болдырмау маңыздылығы туралы ақпараттық әңгімелер мен талқылаулар өткізілді. Студенттер тұрмыста суды үнемдеу жөнінде ұсыныстар жазылған плакаттар мен жадынамалар дайындады.

          Акция қатысушылары ұсынған негізгі кеңестер:
• Тіс жуғанда және қолды сабындағанда суды ағызып қойма.
• Ыдыс жуғыш пен кір жуғыш машиналарды тек толық жүктемемен қолдан.
• Суды бекер ағызба — көлікті немесе еденді жуу кезінде шелек пайдалан.
• Су үнемдейтін кран мен душ бастарын орнат.
• Құбырлар мен крандардың ағуын тексер — тамшылаған су да босқа кетеді.

        Осындай іс-шаралар студенттер арасында экологиялық жауапкершілікті арттырып, белсенді азаматтық ұстанымды қалыптастыруға ықпал етеді. Жастар — Қазақстанның болашағы, табиғи ресурстарды сақтау мен еліміздің экологиялық амандығы солардың қолында.

#адал_азамат

Статью подготовила: Хусаинова А.Т.