19 ақпанда балаларды зорлық-зомбылықтан, суицидтің алдын алудан қорғау және олардың құқықтары мен әл-ауқатын қамтамасыз етудің 2023-2025 жылдарға арналған “Бала қорғау” кешенді жоспарын орындау шеңберінде, сондай-ақ білім басқармасының 2025 жылға арналған жұмыс жоспарына сәйкес “Психологиялық қолдау мен тәрбие жұмысының өңірлік оқу-әдістемелік орталығы” КММ “Стресс бақылауда” тренингін өткізді.

Тренингтің мақсаты – студенттерге стрессті басқару дағдыларын үйрету, психологиялық тұрақтылық пен эмоционалды реттеуді дамыту. Іс-шараға 1-4 курс студенттерінің 23-і қатысты.

Тренинг барысында қатысушылар стресстің механизмдері, оны жеңу жолдары және өзін-өзі реттеу әдістері туралы білді. Тренинг интерактивті түрде өтті, мәселелерді ашық талқылауға, тәжірибе алмасуға және психикалық денсаулықтың маңыздылығы туралы хабардарлық деңгейін арттыруға ықпал етті.

Мұндай іс-шаралар жастарға стресске төзімділікті дамытуға көмектеседі, бұл әсіресе оқу жүктемесі мен әлеуметтік бейімделу жағдайында маңызды.

Ақпаратты дайындаған: педагог-психолог Б. Е. Айтпаева.