2025 жылғы 21–22 қазанда Тобыл қаласында Қостанай ауыл шаруашылығы колледжі базасында Республика күніне арналған Қостанай облысының «Жас сарбаз» әскери-патриоттық клубтары арасындағы әскери жекпе- жек күресінен ашық турнир өтті.

Іс-шараның мақсаты – жастардың бойында әскери борыш пен Отанға адалдық туралы түсінік қалыптастыру, әскери-патриоттық тәрбие беру, сондай-ақ қатысушылардың спорттық шеберлік деңгейін арттыру.

Облыстық турнирге төрт команда қатысты, оның ішінде Қостанай политехникалық жоғары колледжінің студенттері – «Жас сарбаз» әскери-патриоттық клубының өкілдері де бар. Ереже бойынша, команда құрамында алты адам болды (16 -17 жастағы ер балалар) – М-11, М-13, М-14 және ПО-8 топтарының студенттері.

     Жарыстар әскери жекпе-жек күресінің ережелеріне сәйкес өткізілді. Турнир қорытындысы бойынша жеке есепте «Жас сарбаз» ӘПК студенттері келесі нәтижелерге қол жеткізді:

– Наурызбаев Ринат – I орын,

– Мариненко Дмитрий мен Тұрсынмамет Әлижан – II орын,

– Нысанбаев Қуаныш – III орын.

Жеңіске жеткендер дипломдармен және медальдармен марапатталды.

Ақпаратты АӘжТД оқытушы-ұйымдастырушылары

Нұрқанов М. Қ., Фатхудинов Р. Р. дайындады.