2024 жылғы 20 қарашада Қостанай политехникалық жоғары колледжінің екінші курс студенттері (М-11 және М-12 топтары) үшін Қостанай қаласы әуежайының шекаралық бақылау әскери қызметшілерімен кездесу ұйымдастырылды.

Кездесу студенттерді әскери-патриоттық тәрбиелеу және Қорғаныс министрлігінің Жоғары әскери оқу орындарына, Қазақстан Республикасы ҰҚК Шекара қызметі Академиясына, сондай-ақ Ресей мен Түркияның оқу орындарына түсу үшін кандидаттарды іріктеу мақсатында өткізілді. Сонымен қатар, іс-шара шекарашы мамандығының беделі мен танымалдылығын арттыруға ықпал ететіне сөзсіс.

Кездесу барысында прапорщик Татьяна Александровна Таштаева мен старшина Талғат Қапезұлы Дощанов студенттерге арнаулы орта және жоғары әскери оқу орындарына түсу ережелері, әскери қызметшілерге еңбекақы төлеу шарттары және әскери қызметшілерге арналған жеңілдіктер туралы айтып берді.

Сондай-ақ студенттерге шекара әскерлеріндегі қызмет туралы презентациялар мен бейнероликтер көрсетілді.

Іс-шара барысында студенттер сұрақтар қойып, оларға әскери қызметшілер толық жауаптарын берді. Кездесу достық атмосферада өтті және колледж студенттерінің қызығушылығын тудырды.

Ақпаратты АӘжТД оқытушы-ұйымдастырушылары

Нұрқанов М. Қ., Фатхудинов Р. Р. дайындады.

#Біртұтас_тәрбие