15 қазан күні Қостанай политехникалық жоғары колледжінің қабырғасында «Жастар арасында алкогольді тұтынудың алдын алу және психикалық денсаулықты қорғау» тақырыбында маңызды кездесу өтті. Білім алушыларда алкогольге деген саналы түрде теріс көзқарас қалыптастыру мақсатында ұйымдастырылған іс-шараға мамандар мен құқық қорғау органдарының өкілдері қатысты.

  Шақырылған сарапшы ретінде «Қостанай облыстық психикалық денсаулық орталығы» КМК-ның психологы Бисимбаева Г.А. сөз сөйледі.

Іс-шара барысында қойылған міндеттерді орындауға бағытталған негізгі мәселелер көтерілді. Психолог Бисимбаева Г.А. алкогольді тұтынудың физикалық және жастар үшін ерекше маңызды – психикалық денсаулыққа теріс салдарлары туралы толығымен айтып берді. Сондай-ақ, спирттік ішімдіктерді пайдаланумен байланысты әлеуметтік-құқықтық аспектілер мен жауапкершілікке ерекше назар аударылды.

   Студенттерге алкогольдік тәуелділіктің қалыптасу механизмдері, оның оқу процесіне, болашақ кәсіби қалыптасуға және жеке өмірге әсері түсіндірілді. Эпизодтық тұтынудың өзі де елеулі мәселенің бастамасы болуы мүмкін екендігіне баса назар аударылды.

   Бисимбаева Г.А. білім алушылармен күрделі өмірлік жағдайларда зиянды әдеттерге салауатты балама болып табылатын өзін-өзі реттеудің тиімді әдістерімен және стрессті басқару тәсілдерімен бөлісті.

Кездесу студенттердің конструктивті мінез-құлық дағдыларын қалыптастыруға және алкогольдің жойқын әсерінен азат, салауатты өмір салтын таңдауға саналы, жауапты таңдау жасау қабілетіне ықпал етті.

   Іс-шараға келесі топтарда оқитын 250 студент қатысты: (1ЭС-25, 1Э-16, 1ХП-27, 1СТ-9, 1ТЗ-31, 1М-15, 1М-16, 2ХП-25, 2ХП-26, 2Э-15).

Кездесу тікелей диалог форматында өтті, онда студенттер сарапшыларға қызықтырған сұрақтарын қойып, толық жауаптар ала алды.

Оқу-тәрбие ісі жөніндегі директордың орынбасары Л.К. Дюсекеева

#адал_азамат