13 сәуірде “Қостанай қаласының № 3 емханасы” КМК гинеколог-дәрігері бірінші және екінші курс студенттерімен кездесу өтті. Гинекология маманы Ибраева А. У. студенттерге өз денсаулығына ұқыпты қарау қажеттілігі, репродуктивті денсаулықты сақтау, никотин мен алкогольдің ағзаға зиянды әсері туралы айтып берді. Іс-шара барысында аудиторияға жыныстық жолмен берілетін кең таралған аурулар және олардан қорғану тәсілдері туралы ақпарат берді, студенттерді контрацепция әдістеріне, жыныстық жетілу процесін бұзуы мүмкін факторларға ерекше назар аударды, ерте жүктіліктің қауіптілігі туралы айтты.