1Б-6 тобының студенттерінің қатысуымен «Өмірімдегі басты құндылықтар» (отбасы, жұмыс, қызығушылықтар) тақырыбында ашық кураторлық сағат өтті. Іс-шара суицидтің алдын алу мақсатында ұйымдастырылды.

Кураторлық сағаттың негізгі мақсаты – студенттердің өмірге деген саналы көзқарасын қалыптастыру, ашық қарым-қатынас дағдыларын, топпен жұмыс істеу және шығармашылық қабілеттерін дамыту.

Сабақ барысында студенттер Николас Джеймстің өмір жолы туралы шабыттандыратын бейнеролик тамашалады. Көрсетілімнен кейін олар өз ойларымен бөлісіп, өмірлік құндылықтардың маңыздылығын талқылады. Сонымен қатар, жеке, жұптық және топтық тапсырмаларды орындап, өмірлік басымдықтарды саралап, түрлі жағдаяттық мәселелерді шешті.

Бұл кураторлық сағат студенттерге отбасының, еңбектің және сүйікті ісінің әр адамның өміріндегі маңызын тереңірек түсінуге көмектесті.