28-29 наурыз күндері Қостанай политехникалық жоғары колледжінің спорт залында Қостанай қаласы мен Қостанай ауданы мектеп оқушылары арасында волейбол турнирі өтті. Турнир волейболды насихаттау, салауатты өмір салтын дәріптеу, болашақ турнирлерге қатысатын құрама командаларды даярлау және Қостанай қаласы мен Қостанай облысы мектеп оқушыларына кәсіби бағдар беру мақсатында ұйымдастырылды.

Жарыс нәтижелері:

1-орын – Қостанай қаласының №3 мектеп-гимназиясы

2-орын – Нұржан Наушабаев атындағы мектеп-гимназиясы, Тобыл қаласы

3-орын – №3 мектеп-гимназиясы, Тобыл қаласы

Турнирге қаланың және ауданның әртүрлі мектептерінің командалары қатысты:

• Нұржан Наушабаев атындағы мектеп-гимназиясы, Тобыл қаласы
• Тобыл қаласының мектеп-гимназиясы
• №1 мектеп, Тобыл қаласы
• №2 мектеп, Тобыл қаласы
• Жамбыл негізгі мектебі
• №3 мектеп-гимназиясы, Қостанай қаласы
• №22 жалпы білім беретін мектеп, Қостанай қаласы
• №4 жалпы білім беретін мектеп, Қостанай қаласы

Турнирдің ресми бөлігін Қостанай политехникалық жоғары колледжінің директоры Құсайын Амангелдинұлы Каткенов пен бас төреші Владимир Викторович Шишкин ашты. Колледж директоры қатысушыларға сәттілік тілеп, жарыстың алғашқы символдық добын лақтырды.

Үздік ойыншылар:

• Үздік шабуылшы – Дорожкин Иван (№22 мектеп)
• Үздік байланыстырушы – Сүйменбасов Әділет (Тобыл қ. МГ)
• Үздік қорғаушы – Мнайдаров Санжар (Наушабаев ат. МГ, Тобыл қ.)
• Турнирдің үздік ойыншысы – Маликов Владимир (№3 МГ, Қостанай қ.)

Турнир жоғары деңгейде өтті, қатысушыларға ерекше эмоциялар, бәсекелестік рухы мен құнды ойын тәжірибесін сыйлады. Ұйымдастырушылар бұл іс-шара дәстүрлі болады деген үмітін білдірді. Жеңімпаздарды құттықтаймыз және барлық қатысушыларға спорт пен оқуда табыс тілейміз!

Мускина Ж. Ж., педагог-ұйымдастырушы

  #Біртұтас_тәрбие