2022 жылдың 10 тамызында Қостанай жоғары политехникалық колледжі базасында Қостанай облысы педагог қызметкерлерінің тамыз кеңесі аясында «Болашақ» кәсіби өсу және «Білім-инновация» педагогикалық шеберлік Мектептер қатысушыларының секциялық отырысы өтті. Тақырыбы: «Кәсіби өсу шарты ретінде заманауи мұғалімнің құралдары». Секциялық отырыстың модераторлары: Қостанай облысы әкімдігінің ББ ТжКБ әдістемелік кабинеті меңгерушісінің орынбасары Г.М. Утегенова, арнайы пәндер оқытушысы, «Болашақ кәсіби өсу мектебі» ОӘБ жетекшісі Д.Г. Сейчанова.

Педагогикалық студия жұмысы барысында студия спикерлері «Белсенді педагогқа арналған қосымшаларға шолу» (Қостанай құрылыс колледжінің арнайы пәндер оқытушысы Д.Г. Сейчанова), «Оқу процесінде вебинарларды пайдалану» (Қостанай жоғары политехникалық колледжінің арнайы пәндер оқытушысы В.В. Задорожнюк), «Using of authentic listening materials in the elementary level ESL classroom» («Зерек» Колледжінің арнайы пәндер оқытушысы К.Ю. Шевченко), «Білім беру және танымдық контентті құру үшін түрлі құралдарды қолдану» (Қостанай жоғары политехникалық колледжінің арнайы пәндер оқытушысы Е.Н. Тулегенов), «Оқушылардың шығармашылық қабілеттерін дамытудағы құзіреттілік тәсілі» (ҚИнЭУ кәсіпкерлік Колледжінің орыс тілі мен әдебиеті пәнінің оқытушысы Т.В. Данченко) атты өзекті тақырыптарда шеберлік сабақтарын өткізді.

Секциялық отырыс барысында студенттерге онлайн және офлайн оқыту жағдайында тиімді оқытуды ұйымдастырудың жалпы тақырыбы бойынша кәсіби диалог өтті. Спикерлер білім алушыларды оқыту процесіне тарту, білім алушылардың шығармашылық қабілеттерін дамыту бойынша озық тәжірибені, сондай-ақ білім беру және танымдық контентті құруға арналған құралдарды ұсынды.

«Болашақ» кәсіби өсу және «Білім-инновация» педагогикалық шеберлік мектептерінің педагог-қатысушылары шеберлік сыныптары тәжірибе мен идеялар алмасудың ең оңтайлы жүйесі мен бірлескен ортасына айналғанын атап өтті. Қатысушылар сұрақтар қойды, топтық талқылауларға қатысты, кері байланыс қалдырды және болашақта бірлескен жұмыс үшін әдістемелік қолдаудың бағыттары мен тақырыптарын анықтады.

Материалды  дайындаған Ж.Ш. Кайпбаева, директордың ОӘЖ жөніндегі орынбасары.