27 қыркүйекте Қостанай политехникалық жоғары колледжінде әр топта «Кәмелетке толмағандар арасында аутодеструктивті мінез-құлық, буллинг/кибербуллинг және зорлық-зомбылықтың алдын алу» тақырыбында ата-аналар жиналыстары өтті. 

Жиналыстың мақсаты – ата-аналарды жасөспірімдер арасындағы аутодеструктивті мінез-құлық, буллинг/кибербуллинг, құмар ойындарға тәуелділік және кәмелетке толмағандарға қатысты зорлық-зомбылық мәселесімен таныстыру, ата-аналардың балалар мен ересектер арасындағы қарым-қатынастар мәселелеріне назар аудару, ата-аналарға алдын алу шараларын көрсету. 

Міндеттері: 

– аутодеструктивті мінез-құлық, буллинг/кибербуллинг, құмар ойындарға тәуелділік және кәмелетке толмағандарға қатысты зорлық-зомбылық мәселелеріне қатысты теориялық және практикалық материалдарды зерттеу, жинақтау, жүйелеу; 

– ата-аналарға өз баласымен қарым-қатынасын ой елегінен өткізіп, бағалауға мүмкіндік беру; 

– ата-аналарға балалар мен ата-аналар арасындағы қарым-қатынастың түрлі тәсілдерін қалыптастыру; 

– ата-аналарға нағыз ата-аналық беделді түсіндіру және оны балалармен қарым-қатынаста көрсету қажеттілігін түсіндіруге көмектесу. 

Жиналыс барысында топ жетекшілері төрт бағыт бойынша мәселелерді қарастырды: 

1. Аутодеструктивті мінез-құлықтың алдын алу.
2. Буллинг/кибербуллингтің алдын алу.
3. Құмар ойындарға тәуелділіктің алдын алу.
4. Кәмелетке толмағандарға қатысты зорлық-зомбылықтың алдын алу.

Іс-шараның соңында топ жетекшілері ата-аналарға өмір қауіпсіздігі негіздері туралы ескертпелер таратты. Ата-аналарға аутодеструктивті мінез-құлық, құмар ойындарға тәуелділік, буллинг/кибербуллинг, кәмелетке толмағандарға қатысты зорлық-зомбылықтың алдын алу бойынша ұсыныстар берілді. Сонымен қатар, колледждің психолог-мұғалімі Науменко Татьяна Викторовна мен Утебекова Сабина Ғабитқызының байланыс нөмірлері: 87142560881, Петренко Елена Александровна жетекшілік ететін Психологиялық қолдау орталығының байланыс нөмірі: 87142511849, Балалар құқықтары жөніндегі уәкіл Басенова Несібелі Зариванқызының байланыс нөмірі: 87017783535 және тәулік бойы жұмыс істейтін, тегін мемлекеттік «111» байланыс орталығының нөмірі көрсетілді. 

Ата-аналар «Қиындық туындаса – жай ғана қоңырау шалыңыз» акциясы аясында ақпараттық буклеттер мен визиткалар алды. 

                                             Дюсекеева Л.К., оқу-тәрбие жұмысы жөніндегі директордың орынбасары 

#Біртұтас_тәрбие