Қостанай политехникалық жоғары колледжінде студенттерге емхана маманы, акушер Аймағамбетова Нұргүл Ұлжабайқызының қатысуымен екі дәріс өткізілді.

Алкогольді тұтынудан бас тартудың ұлттық күніне арналған «Психобелсенді заттардың адам ағзасына әсері (снюс, вейп және т.б.)» дәрісінде Нұргүл Ұлжабайқызы алкогольдің, снюс пен вейптің денсаулыққа әсері және өз әдеттеріне саналы түрде қараудың маңызы туралы айтты.

«Репродуктивті денсаулықты қорғау» дәрісінде студенттер өз денсаулығына күтім жасау, аурулардың алдын алу және қажет болған жағдайда медицина мамандарына уақытылы жүгіну туралы мәлімет алды.

Кездесулерге СИБ-3, ПО-13, Э-17, СИБ-4, ТЗ-32, Б-11, М-17 және ПО-14 топтарының студенттері қатысты. Олар өздерін қызықтырған сұрақтарды қойып, маманнан жауап алды.