3 қарашада 1 ТЗ-32 тобында «Менторлық институты» пилоттық жобасы аясында кезекті кездесу өтті. Студенттер алдында ментор Надежда Павловна Сибирякова — отставкадағы полиция подполковнигі, ІІМ зейнеткері сөз сөйледі. Ол «Еркіндік шекарасы: сенің құқықтарың, өзгенің жеке шекарасы және ар-ождан үні» тақырыбында дәріс өткізді.

Қатысушылар Конституцияның мәнін, Қазақстан Республикасының заңнама жүйесі қалай құрылғанын және оның басқа мемлекеттердің жүйелерінен айырмашылығын талқылады. Әлеуметтік мемлекет ұғымына, адам құқықтарына және өз іс-әрекеті үшін жауапкершілікке ерекше назар аударылды.

Надежда Павловна колледждегі тәртіп ережелері, оларды бұзудың салдары, темекі шегуге байланысты жауапкершілік, энергетикалық сусындардың зияны және оларды сатуға қойылған шектеулердің себептері туралы айтты. Студенттер колледжге қандай заттар мен өнімдерді, соның ішінде қару-жарақты, шаншып-кесетін заттар мен тыйым салынған заттарды алып кіруге болмайтынын да талқылады.

Қоғамдық тәртіпті бұзғаны үшін жауапкершілік жеке тақырып болды. Ментор Қазақстан Республикасының Әкімшілік құқық бұзушылық туралы кодексінің 434-бабында көзделген ұсақ бұзақылық пен Қазақстан Республикасының Қылмыстық кодексінің 293-бабында көзделген бұзақылықтың айырмашылығын түсіндірді.

Кездесу соңында студенттер мораль мен адамгершілік, өзгенің жеке шекарасын құрметтеу және шешім қабылдаудағы ар-ожданның рөлі туралы пікір алмасты.

Л. К. Дюсекеева, директордың оқу-тәрбие жұмысы жөніндегі орынбасары

#адал_азамат