Ұстаз – жай ғана мамандық емес. Ол – шәкірттеріне білім әлеміне жол ашып, алғашқы жаңалықтарын ашуға көмектесетін, ойлауға, армандауға, жаңа биіктерге ұмтылуға үйрететін тұлға. Ұстаздың айтқан дана сөздері, берген ақыл-кеңесі мен қолдауы адамның жадында өмір бойы сақталып қалады.

Көрменің мақсаты – ұстаз мамандығының маңыздылығын көрсету, оқырмандарды мектеп, педагогтер мен оқушылар туралы шығармалармен таныстыру, сондай-ақ көрнекті ұстаздар және олардың педагогикалық мұрасы туралы әдебиеттерге назар аударту.

«Ұстаз – білім шырағы» атты кітап көрмесі нағыз педагогтің тек білім беріп қана қоймай, адамға өз жолын табуға, қабілетін ашуға және өз күшіне сенуге көмектесетінін еске салады.

Бұл көрме өз еңбегімен шәкірт жүрегіне білімге, ізгілікке және жасампаздыққа деген ұмтылысты оятатын барша ұстаздар мен тәлімгерлерге деген алғысымыздың белгісі болсын!