2026 жылғы 24 қыркүйекте Қостанай политехникалық жоғары колледжінің базасында Қостанай облысының техникалық және кәсіптік білім беру ұйымдарының білім алушылары үшін Қостанай облысы Төтенше жағдайлар департаментінің өкілдері Zoom платформасында интерактивті сабақ ұйымдастырып, өткізді.

Іс-шараның мақсаты – білім алушылардың қауіпсіз мінез-құлық дағдыларын қалыптастыру, өрттердің алдын алу және төтенше жағдайлар кезінде әрекет етуге дайындық деңгейін арттыру.

Іс-шараға:

– Азаматтық қорғаныс басқармасының аға офицері, подполковник Н. С. Найзатаев;

– Өрт қауіпсіздігі саласындағы мемлекеттік бақылау басқармасының бас маманы, азаматтық қорғау аға лейтенанты Н. Б. Изтелеуова;

– Апаттар медицинасы орталығының жедел медициналық көмек бригадасының фельдшері Ж. К. Абитова қатысты.

Сабақ барысында қауіпсіздікке қатысты өзекті мәселелер қарастырылды:

– «Жылыту кезеңіндегі өрт қауіпсіздігі ережелері»;

– «Көмір қышқыл газымен уланған кезде алғашқы көмек көрсету және жүрек-өкпе реанимациясын жүргізу».

Сабақтың барысында практикалық бөліміне ерекше назар аударылды. Студенттер өрт сөндірушінің арнайы киімін киіп көріп, құтқарушылардың жұмысының ерекшеліктерімен танысты және осы сала мамандарына қойылатын жауапкершілік туралы көбірек білді.

Сонымен қатар, білім алушылар арнайы манекенде жүрек-өкпе реанимациясын жүргізудің практикалық дағдыларын пысықтады. Мамандардың жетекшілігімен олар зардап шегушіге алғашқы көмек көрсету кезіндегі іс-әрекеттердің реттілігін қайталап, алған білімдерін тәжірибе жүзінде бекітті.

Іс-шара соңында қатысушылар қауіпсіз мінез-құлықтың негізгі ережелерін тағы бір рет қайталады: төтенше жағдай туындаған кезде қалай әрекет ету керектігін, алғашқы көмекті қалай дұрыс көрсету қажет екенін және жазатайым оқиғаның куәгері болған жағдайда қандай әрекет жасау керектігін еске түсірді.

Ақпаратты АӘД педагог-ұйымдастырушылары

Нұрқанов М. Қ., Фатхудинов Р. Р. дайындады.