19 қыркүйекте Қостанай политехникалық жоғары колледжінің командасы «Таза ойындар» ауқымды экологиялық жарысында нағыз экологиялық саналылық, командалық рух пен ауызбіршілік танытты. Іс-шара «Таза Қазақстан» жалпыұлттық акциясының «EcoZhas» жобасы аясында өтті.

«Эколог» үйірмесінің жетекшісі А. Т. Хусаинованың басшылығымен колледж студенттері ұйымшылдықтың жоғары деңгейін және үздік дайындығын көрсетті. Жарыс пен қоқысты белсенді жинау қорытындысы бойынша ҚПЖК командасы жүделі 3-орынды иеленді!

«Таза ойындар» — бұл жай ғана аумақты тазалау емес, жылдамдық, қалдықтарды сұрыптауға стратегиялық көзқарас және туған өлкеге деген жанашырлық маңызды болатын нағыз командалық сайыс. ҚПЖК жастары қазіргі жастардың таза болашаққа қарай нақты қадамдар жасауға дайын екенін дәлелдеді.

Л. К. Дүйсекеева,

Тәрбие ісі жөніндегі директордың орынбасары

#адал_азамат