20 мамырда Қостанай политехникалық жоғары колледжінде «Заң және тәртіп» жобасын жүзеге асыру аясында бірінші курс студенттеріне арналған дәріс өтті. Бірінші курс студенттерінің алдында Қостанай облысы прокурорының аға көмекшісі А.Б. Ахметова сөз сөйлеп, жазғы кезең қарсаңындағы жастардың қауіпсіздігі, денсаулығы мен құқықтық сауаттылығының ең өзекті мәселелерін қозғады.

Кездесудің негізгі бөлімі «Аддитивті мінез-құлық: психоактивті заттарды (ПАЗ) қолдану» тақырыбына арналды. Спикер студенттерге қазіргі таңдағы тыйым салынған заттардың адам ағзасы мен психикасына тигізетін зиянды әсері, тәуелділіктің пайда болу механизмдері және жастардың болашағына әкелетін жойқын салдары туралы егжей-тегжейлі әрі түсінікті етіп айтып берді. Мәселенің заңдық жағына ерекше назар аударылды: А.Б. Ахметова ПАЗ-дың заңсыз айналымы мен қолданылуына байланысты құқық бұзушылықтар үшін Қазақстан Республикасының заңнамасында көзделген әкімшілік және қылмыстық жауапкершіліктің қатаң шараларын еске салды.

Кездесудің екінші маңызды блогы каникул қарсаңында өте өзекті болып табылатын кәмелетке толмағандарды жазғы жұмысқа орналастыру мәселелерін талқылау болды. Прокуратура өкілі студенттерге еңбек шартын жасасу қажеттілігін баса айта отырып, ресми және қауіпсіз жұмысқа орналасу ережелерін егжей-тегжейлі түсіндірді. Бірінші курс студенттеріне ресми емес табыспен байланысты барлық тәуекелдер жан-жақты түсіндіріліп, интернеттегі күмәнді ұсыныстардан сақтану керектігі ескертілді. Студентер өздерінің еңбек құқықтарын қалай қорғауды және алаяқтық схемалардың құрбаны болмауды немесе заңсыз әрекеттерге тартылып кетпеудің жолдарын білді. Шара аудиторияның үлкен қызығушылығын тудырды, ал «Заң және тәртіп» жобасы аясындағы мұндай кездесулер колледж студенттерінің құқықтық мәдениеті мен саналы мінез-құлқын қалыптастыруға елеулі үлес қосуын жалғастыруда.