12 мамыр күні КПВК колледжінде студенттер арасында сыбайлас жемқорлыққа қарсы жұмыс жүргізілді. Іс-шара барысында білім алушыларға сыбайлас жемқорлықтың алдын алу тақырыбындағы ақпараттық буклеттер таратылды.

Акцияның мақсаты — студенттердің сыбайлас жемқорлыққа қарсы мәдениетін қалыптастыру, адалдыққа, әділдікке және жауапкершілікке тәрбиелеу, сондай-ақ жастардың құқықтық сауаттылығын арттыру. Буклеттерде сыбайлас жемқорлықтың қоғамға тигізетін зияны, оның алдын алу жолдары, сыбайлас жемқорлық құқық бұзушылықтары үшін жауапкершілік және заң мен адалдық қағидаларын сақтау маңыздылығы туралы ақпарат берілді.

Студенттерге академиялық адалдық қағидаларын сақтау, өзге адамдардың құқықтарын құрметтеу және белсенді азаматтық ұстаным таныту қажеттілігі түсіндірілді. Сонымен қатар, сыбайлас жемқорлықпен күрес әр адамның өзінен, оның іс-әрекеті мен қоғамға деген көзқарасынан басталатыны ерекше атап өтілді.

Өткізілген акция жастар арасында ашықтық, адалдық және сыбайлас жемқорлықтың кез келген көрінісіне төзбеушілік қағидаларын қалыптастыруға бағытталды. Осындай іс-шаралар әділдік пен заңдылықты қолдайтын «Адал ұрпақ» саналы ұрпағын тәрбиелеуге ықпал етеді.