2026 жылғы 15 сәуірде Қостанай политехникалық жоғары колледжінде «Заң және тәртіп» жобасын іске асыру аясында облыс прокурорының аға көмекшісі Ахметова А.Б. өткізген
«Құқықтық ағарту: балалардың құқықтары мен міндеттері» тақырыбында сабақ өтті.

Аталған іс-шара білім алушылардың құқықтық сауаттылығын арттыруға, заңдар мен құқықтық тәртіпке құрметпен қарауды қалыптастыруға, сондай-ақ өз әрекеттері үшін жауапкершілік деңгейін көтеруге бағытталды.

Кездесу барысында студенттерге Қазақстан Республикасының заңнамасында бекітілген кәмелетке толмағандардың негізгі құқықтары, сондай-ақ білім беру ұйымындағы және жалпы қоғамдағы міндеттері түсіндірілді. Әсіресе кәмелетке толмағандардың әкімшілік және қылмыстық жауапкершілігі, құқықбұзушылықтың алдын алу, сондай-ақ күнделікті өмірде және интернет желісінде қауіпсіз мінез-құлық мәселелеріне ерекше назар аударылды.

Сабаққа қатысушылар белсенді түрде сұрақтар қойып, құқықтық баға беруді талап ететін өмірлік жағдайларды талқылады және маманнан құзыретті жауаптар алды. Ашық диалог форматы іс-шараны барынша мазмұнды әрі пайдалы етті.

Мұндай іс-шараларды өткізу жастардың құқықтық мәдениетін қалыптастыруға, азаматтық жауапкершілікті дамытуға және жасөспірімдер арасындағы құқықбұзушылықтың алдын алуға ықпал етеді.

Колледж әкімшілігі Ахметова А.Б.-ға мазмұнды әрі өзекті баяндама жасағаны және өскелең ұрпақты құқықтық тәрбиелеуге қосқан үлесі үшін алғыс білдіреді.