Жастардың құқықтық сауаттылығын қалыптастыруға бағытталған тәрбие жұмысын іске асыру аясында ХП-27 тобының бірінші курс студенттері алдын алу іс-шарасына қатысты.

Кездесудің негізгі кезеңі — «Дроп» атты қысқа метражды фильмін тамашалау және талқылау болды. Фильмде жастарды қылмыстық схемаларға тартудың қауіпті тетіктері нақты көрсетіліп, мұндай әрекеттердің шынайы салдары мен заңның қатаңдығы баяндалған.

Талқылау барысында заңнамадағы өзгерістерге ерекше назар аударылды. 2025 жылдың 16 қыркүйегінен бастап Қазақстан Республикасының Қылмыстық кодексіне дропперлік үшін тікелей қылмыстық жауаптылықты белгілейтін 232-1-бап енгізілген болатын.

Мұндай форматтағы алдын алу шаралары бірінші курс студенттерінің берік азаматтық ұстанымын қалыптастыруға және ересек өмірдің алғашқы қадамдарынан бастап құқықтық нормаларды сақтаудың маңыздылығын сезінуге көмектеседі.