2026 жылғы 6 ақпанда Заречное ауылында «Sport Life» ДСК базасында Қостанай облысының «Жас сарбаз» әскери-патриоттық клубтары арасында кеңес әскерлерінің Ауғанстаннан шығарылғанына 37 жыл толуына арналған әскери қоян – қолтық ұрысы бойынша облыстық турнир өтті.

Іс-шараның мақсаты – жастардың бойында әскери борыш пен Отанға адалдық туралы түсінік қалыптастыру, әскери-патриоттық тәрбие беру, сондай-ақ спорттық шеберлік деңгейін арттыру.

Облыстық турнирге 14 команда қатысты, оның ішінде Қостанай политехникалық жоғары колледжі студенттерінен құралған «Жас сарбаз» әскери-патриоттық клубының командасы да болды. Жарыс ережесіне сәйкес команда құрамына 13 адам кірді (15-18 жас аралығындағы жасөспірімдер). Олар А-3, М-12, М-13, М-14, ПО-10, ЭС-25, М-16, ХП-27, Б-4 топтарының студенттері.

Жарыс әскери қоян-қолтық ұрыс ережелеріне сәйкес олимпиадалық жүйе бойынша өткізілді және жеке әрі командалық есепті қамтыды.

Жарыс қорытындысы бойынша жеке есепте «Жас сарбаз» ӘПК студенттері келесі нәтижелерді көрсетті: Аношкин Иван – I орын, Науразбаев Ринат пен Мухамбет Айдар – II орын, Бязиев Илез және Кулмагамбетов Мадияр – III орын.

Жеңімпаздар мен жүлдегерлер грамоталармен және медальдармен марапатталды.

Ақпаратты дайындағандар: АӘжТД педагог-ұйымдастырушылары Нурканов М.К., Фатхудинов Р.Р.