Қазіргі таңда жастар интернет кеңістігін белсенді пайдалануда. Интернет оқу мен қарым-қатынас жасауға кең мүмкіндіктер бергенімен, сонымен қатар елеулі қауіптерді де қамтиды. Әсіресе жастардың санасын манипуляциялауға, құндылықтарды бұрмалауға және қоғамдық қауіпсіздікке нұқсан келтіруге бағытталған экстремизм мен терроризм идеяларын тарататын интернет-ресурстар ерекше қауіп төндіреді.

Лекция барысында әлеуметтік желілер мен онлайн-платформалар арқылы жастарды экстремистік және террористік ұйымдарға тартудың негізгі тәсілдері, қауіпті контенттің белгілері, сондай-ақ оған қарсы іс-қимыл шаралары мен цифрлық ортада қауіпсіз мінез-құлық ережелері қарастырылды. Ерекше назар сыни ойлауды дамытуға, ақпаратты таратудағы жауапкершілікке және Қазақстан Республикасының заңнамалық нормаларын сақтауға аударылды.

Іс-шараның мақсаты – студенттердің құқықтық сауаттылық деңгейін арттыру, деструктивті идеологияларға қарсы тұру қабілетін қалыптастыру, азаматтық жауапкершілікті тәрбиелеу және интернет-ресурстарды саналы түрде пайдалануға баулу.

Ақпаратты дайындаған тарих пәнінің оқытушысы:
Вдовиков А.А.