Тақырыбы: «Тәртіптің ең тамаша мектебі – ол отбасы»

25 қыркүйек күні Қостанай политехникалық жоғары колледжінде «Тәртіптің ең тамаша мектебі – ол отбасы» атты өзекті тақырыпқа арналған колледжішілік ата-аналар жиналысы өтті.

Жиналыс жұмысына колледж әкімшілігі, оқытушылар, құқық қорғау органдарының өкілдері және студенттердің ата-аналары қатысты.

Жиналыстың күн тәртібіне мына мәселелер енгізілді:

1. 2024–2025 оқу жылындағы колледж жұмысының қорытындылары және алдағы кезеңге қойылған міндеттер.
Оқу-тәрбие ісі жөніндегі директордың орынбасары Дюсекеева Л.К. баяндама жасап, студенттердің жетістіктерін, педагогикалық ұжымның табыстарын атап өтті және жаңа оқу жылына арналған басым бағыттарды белгіледі.

2. Студенттердің құқық бұзушылықтарының алдын алу: жасөспірімдердің жауапты мінез-құлқын қалыптастырудағы отбасы мен колледждің рөлі.
Бұл мәселе аясында студенттердің аутодеструктивті мінез-құлқының алдын алу, жол-көлік оқиғаларынан сақтандыру, интернет-алаяқтықтың алдын алу, сондай-ақ жыныстық қолсұғылмаушылықты бұзу мәселелері қаралды.
Ата-аналар алдында Қостанай қаласы Полиция басқармасының ГЮП ОМПС СОП учаскелік полиция инспекторы, полиция капитаны Аксенкина Я.В. сөз сөйлеп, заңға бағынатын әрі жауапты жастарды тәрбиелеуде отбасы мен білім беру ұйымының бірлескен іс-қимылының маңыздылығын атап өтті. Сонымен қатар кәмелетке толмағандардың құқық бұзушылық жасағаны үшін әкімшілік және қылмыстық жауапкершілікке тартылатынына ерекше назар аударылды.

3. Жасөспірімдер арасындағы буллинг пен кибербуллинг: олардың алдын алу және отбасы мен білім беру ұйымының рөлі.
Бұл мәселе бойынша оқу-тәрбие ісі жөніндегі директордың орынбасары Дюсекеева Л.К. баяндама жасап, буллинг пен кибербуллингтің бүгінгі таңда жасөспірімдер арасындағы ең жиі кездесетін зорлық-зомбылық түрлерінің бірі екенін атап өтті. Ол ата-ана мен білім беру ұйымының күш-жігерін біріктіре отырып, агрессивті мінез-құлықтың алдын алудың және қауіпсіз білім беру ортасын қалыптастырудың маңыздылығын түсіндірді. Ата-аналарға буллинг белгілерін уақытылы анықтау, балаларға қолдау көрсету және педагогтармен тығыз байланыста болу жөнінде практикалық ұсыныстар берілді.

4. Балалар арасында дәрі-дәрмекпен уланудың алдын алу: ата-аналар нені білуі керек.
Бұл мәселе бойынша колледждің медицина қызметкері Аманжулова Г.К. сөз сөйледі. Ол ата-аналарды дәрі-дәрмектермен улану жағдайларының статистикасымен және нақты мысалдарымен таныстырды. Негізгі себептерге: үй жағдайында дәріханалық қобдишаларға рұқсатсыз қол жеткізу, ауырсынуды басатын және тыныштандыратын дәрілерді бақылаусыз қабылдау, сондай-ақ дәрілерді медициналық емес мақсатта қолдануды насихаттайтын деструктивті интернет-қауымдастықтардың ықпалы жататыны айтылды.
Ата-аналарға дәрі-дәрмектерді дұрыс сақтау, балаларға өзін-өзі емдеудің қауіптілігі туралы түсіндіру жұмыстарын жүргізу, дәрілерді шамадан тыс пайдаланудан сақтандыру жөнінде ұсыныстар берілді. Сондай-ақ алғашқы белгілер пайда болғанда дәрігерге дер кезінде қаралу қажеттілігі және жасөспірімдердің өз денсаулығына жауапкершілікпен қарауының маңыздылығы ерекше аталды.

5. Әр түрлі мәселелер.
Жиналыстың қорытынды бөлімінде ата-аналар өздерін толғандырған сұрақтарға жауап алды, сондай-ақ отбасы мен колледждің өзара іс-қимылын жетілдіру бойынша ұсыныстар енгізді.

Осындай жиналыстар колледж бен студенттердің отбасылары арасындағы серіктестік қатынастарды нығайтуға, жастар тәрбиесі мен құқық бұзушылықтың алдын алу мәселелерінде бірыңғай ұстанымды қалыптастыруға ықпал етеді.