7 қазан күні 1СИБ-2 тобының кураторы студенттермен бірге «Энергия және бақылау. Төзімділік пен күйзеліске төзімділікті белсендіру» атты интерактивті тренинг өткізді. Тренингтің мақсаты – студенттердің өзін-өзі реттеу дағдыларын, ойлау икемділігін және қиын жағдайларда ішкі тепе-теңдікті сақтай білу қабілеттерін дамыту болды.

Сабақ еркін әңгімелесу мен тәжірибелік тапсырмалар форматында өтті. Тренингтің бірінші бөлімінде қатысушылар «Жануар-метафора» атты айсбрейкер ойынын ойнады. Онда әр студент өз ішкі күшін жануар бейнесі арқылы сипаттап, кездесуді жағымды көңіл-күймен бастап, өз ресурстарын жақсырақ түсінуге мүмкіндік алды. Кейін «Эмоциялар бағдаршамы» ойынында студенттер өздеріне күйзеліс тудыратын және керісінше, күш-қуат беретін жағдайларды анықтап, түрлі түсті стикерлер арқылы эмоцияларын бейнеледі.

Тренингтің екінші бөлімінде қатысушылар тыныс алу арқылы кернеуді тез жоюға көмектесетін «Сабырлық якорі» әдісін меңгерді, сондай-ақ «Бақылау картасы» жаттығуында өз ықпалында бар және өзгертуге келмейтін нәрселерді ажыратуды үйренді. Ерекше әсер қалдырған бөлім – «Сыннан арылу» ойыны болды. Онда студенттер қағаз бетіне өз уайымдарын жазып, оларды жағымды және конструктивті ойлармен алмастырды.

Тренинг соңында қатысушылар «Жетістіктер банкін» жасап, оған өздерінің соңғы үш табысын жазды, сондай-ақ «Болашақтағы өзіне хат» жазып, өздеріне сенім мен қолдау сөздерін қалдырды.

Студенттер тренинг барысында белсенділік пен қызығушылық танытты. Атмосфера жеңіл әрі сенімді болды – қатысушылар өз ойларымен бөлісіп, тапсырмаларды әзілмен орындап, бір-бірін қолдап отырды.

Тренинг соңында студенттер күйзелісті басқару – дамытылатын дағды екенін түсінді. Ең бастысы – өз күйіңді байқай білу, дер кезінде көңіл-күйді өзгерту және қарапайым, бірақ тиімді тәсілдерді пайдалану. Енді олар бұл әдістерді күнделікті өмірде қолдануға дайын.