«Жеткіншектің Жеті Жарғысы» жобасын жүзеге асыру және «Sanaly urpaq» ерікті-патриоттық клубының жұмыс жоспары аясында 1 курс студенттері арасында «Бес нәрсеге асық бол…» тақырыбында адал еңбек пен парасаттылықтың құндылығына арналған дөңгелек үстел өтті.

Іс-шараның мақсаты — жастардың бойында берік адамгершілік құндылықтарды қалыптастыру, адал еңбекке, әділдік пен жеке жауапкершілікке саналы көзқарасты дамыту.

Дөңгелек үстел барысында ұлы ойшыл Абай Құнанбайұлының «Бес нәрсеге асық бол…» нақыл сөзінде айтылған негізгі өмірлік ұстанымдар кеңінен ашылып, талқыланды:

• еңбекқорлық,
• адалдық,
• білімге ұмтылу,
• мейірімділік,
• қанағатшылдық.

Студенттер пікірталасқа белсенді қатысып, түрлі өмірлік мысалдар мен жағдаяттарды талдап, парасаттылықтың жеке және кәсіби өмірдегі маңызы жайында өз ойларын ортаға салды. Әсіресе адал еңбектің адамды өз-өзіне сенімділікке, қоғамдағы құрметке жеткізетіні туралы айтылды.

Іс-шара ашық диалог форматында өтіп, әрбір қатысушының өз өмірлік ұстанымдары мен рухани даму жолы туралы ойлануына мүмкіндік берді.

Ақпаратты дайындаған: «Саналы ұрпақ» клубының жетекшісі — Вдовиков А.А.

#адал_азамат