2025 жылдың 15 қаңтарында Қостанай жоғары политехникалық колледжі Жұмысшы мамандықтары жылын салтанатты түрде ашты. Бұл іс-шара жұмысшы мамандықтарының беделін арттырудағы және білім мен өндіріс арасындағы байланысты нығайтудағы маңызды қадам болды.

Колледж акт залына 9-сынып түлектері, серіктес кәсіпорындардың өкілдері, өткен жылғы түлектер, студенттер мен оқытушылар жиналды. Іс-шара қонақтары колледждің биылғы жылғы жоспарларымен бірінші болып білді және алдағы жұмыстың ауқымын бағалай алды.

Іс-шараның салтанатты бөлімінде TжКБ бөлімінің бастығы Ж.С.Жуминаның, колледж директоры Қ.А.Каткеновтың құттықтау сөздері және жұмыс берушілер мен ҚЖПК табысты түлектерінің сөздері тыңдалды. Олар өз тәжірибелерімен бөлісіп, аймақты дамыту үшін жұмысшы мамандықтарының маңыздылығын атап өтті.

Ресми бөліммен қатар колледж залында көрме-тұсаукесер өтті, онда студенттер өз жобалары мен оқу үдерісі аясында жасалған бұйымдарын көрсетті. Бұл қонақтарға болашақ мамандардың дайындық деңгейін бағалауға және колледж қабырғасында қандай білім мен дағдыларды алатынын көруге мүмкіндік берді.

ҚЖПК-дегі Жұмысшы мамандықтары жылы – бұл тек салтанатты іс-шаралар ғана емес, сонымен қатар практикалық іс-қимылдардың тұтас кешені:

• Мектеп оқушыларына кәсіптік бағдар беру шараларын өткізу.
• Студенттер арасында кәсіби шеберлік байқауын ұйымдастыру.
• Мұғалімдердің, жұмыс берушілердің және сала мамандарының қатысуымен форумдар мен конференциялар өткізу.
• Серіктестік кәсіпорындармен бірлескен жобаларды жүзеге асыру.

Неліктен ҚЖПК жұмысшы мамандықтарына көп көңіл бөледі?

Себебі біздің түлектер – еңбек нарығында сұранысқа ие мамандар. Олар өңірдің жетекші кәсіпорындарында жұмыс істеп, олардың дамуына зор үлес қосуда.

Жұмысшы мамандықтары жылы – жастар үшін болашақ мамандықтарын саналы түрде таңдап, табысты мансап бастауға тамаша мүмкіндік.

Ақпаратты директордың АТ жөніндегі орынбасары И.С. Храмей дайындады.