2024 жылдың 8-інші қарашасында Қостанай политехникалық жоғары колледжінде Э-13 және М-11 топтарының 2-3 курс студенттерін Қазақстан Республикасы Қорғаныс министрлігінің әскери оқу орындарына түсу мүмкіндіктері туралы ақпараттандыру мақсатында кездесу өткізілді.

Іс-шара әскери оқу орындарына түсуге ниет білдірген кандидаттарды іріктеу үшін ұйымдастырылды. Кездесу барысында Қостанай қаласының аумақтық қорғаныс 99260 әскери бөлімінің өкілдері, аға сержант Түйекенов Бауыржан Асқанұлы және аға сержант Жетібаев Елжан Азаматұлы студенттерге еліміздің әртүрлі орта-арнаулы және жоғары әскери оқу орындары, қабылдау шарттары мен қабылдау ережелері туралы айтып берді.

Олар сондай-ақ қатысушыларды Қазақстан Республикасының Қарулы Күштеріндегі қызметтің ерекшеліктерімен, жеңілдіктермен, әскери қызметшілерге еңбекақы төлеу шарттарымен және әскери қызметке шақыруды ұйымдастырумен таныстырды.

Әскери және мемлекеттік құрылымдарға жұмысқа орналасу кезінде армиядағы қызметтің рөліне ерекше назар аударылды. Жас жігіттерге әскери қызметке кіру процесі мен келешегі туралы толық ақпаратты қамтитын ақпараттық буклеттер таратылды.

Студенттер талқылауға белсенді қатысып, толық және мазмұнды жауаптар алған сұрақтар қойды. Кездесу достық атмосферада өтті және студенттердің қызығушылығын тудырды.

Мұндай іс-шара студенттердің әскери оқу орындары мен армиядағы қызметі туралы түсініктерін кеңейтуге көмектеседі, сонымен қатар болашақ мамандықты саналы түрде таңдауға ықпал етеді.

Ақпаратты дайындаған: АӘжТД оқытушы-ұйымдастырушылары М. Қ. Нұрқанов, Р. Р. Фатхудинов

#Біртұтас_тәрбие