Негізінен бұл күн — аға ұрпақтың қоғам өміріне қосқан үлесіне шынайы ризашылық білдіретін және қамқорлық көрсететін ерекше мейірімге толы күн. 1-қазан Халықаралық қарттар күні мен ұстаздар күні қарсаңында «Қоғамға қызмет ету» еріктілер акциясы аясында 3Б-2 тобының студенттері Жайлибаева Қымбат Мизинбаевнаны қос мерекесімен құттықтады.  Студенттер көпжылдық тәжірибесі бар ұстазға өздерін қызықтырған сұрақтарды қойып,көңіл толатындай жауап алды. Қымбат Мизинбаевна студенттер тарапынан көрсеткен құрмет пен көңіл үшін ризашылығын білдіріп батасын берді. Қарттықты құрметтеу және үлгі тұту, қарт адамдардың сіңірген еңбектерін, мемлекеттің дамуына қосқан көптеген үлестерін мойындаудың  белгісі . Қазақстандық әрбір жаңа ұрпақ үлкендердің даналығын, тәжірибесі мен қадір-қасиеттерін үлгі тұтады. Үлкен кісілердің  өмірлік тәжірибелері мен ақыл-кеңестері, тәлім-тағылымдары өсіп келе жатқан ұрпақ  үшін өмірлік бағыт пен бағдар болады. Қос мерекемен үлкен кісілерді  құттықтап ,зор денсаулық, қажымас қайрат тілейміз.

Ақпаратты дайындаған куратор 3Б-2 тобының кураторы Бейсенова Х.Б.

#Біртұтас_тәрбие