10 маусымда Қостанай политехникалық жоғары колледжінің спорт-сауықтыру фракциясының волонтерлері «Сенің таңдауың» акциясына қатысты. Бұл акцияның мақсаты жасөспірімдер арасында нашақорлыққа қарсы үгіт-насихат жүргізу, жастардың есірткі тұтынушылардың ортасына тартылуының алдын алу, сонымен қатар салауатты өмір салтын насихаттау болды.

Волонтерлер студенттерге есірткінің таралуы қаншалықты жылдам жүріп жатқанын айтып, жастардың назарын осы әлемдік мәселеге аударуға тырысты. Жасөспірімдер нашақорлықтың жеке адамға апатты зиян келтіретінін білді. Өтірік, сатқындық, қылмыс, отбасының бұзылуы, өлімге әкелетін аурулар – мұның бәрі нашақорлықтың серігі.

Шара барысында волонтерлар нашақорлықтың алдын алу және салауатты өмір салтын насихаттау бойынша «Нашақорлық», «Есірткі – зиян, есірткі – жаман» атты ақпараттық буклеттер таратты.

Мұндай шаралар тұрақты түрде өткізіліп тұрады. Олар әлеуметтік зұлымдыққа қарсы күресте жаңа үлгіні қалыптастыруға көмектеседі. Сондай-ақ, мұндай кездесулер жастардың есірткіден бас тартуға бейім екенін дәлелдейді.