2025 жылғы 22 желтоқсанда Қостанай политехникалық жоғары колледжінде «Праздник к нам приходит» бағдарламасы аясында «Үздік жаңа жылдық кабинет безендіру» байқауының қорытындысы шығарылды. Аталған іс-шара оқу кабинеттерінде мерекелік атмосфера қалыптастыруға, студенттер мен педагогтердің шығармашылық қабілеттерін дамытуға, сондай-ақ командалық рухты нығайтуға бағытталды.

Байқауға барлық курс студенттері қатысты. Іс-шара барысында қатысушылар безендірілген кабинеттерді таныстырып, өз идеяларымен, қолданылған материалдармен және жаңа жылдық безендіру тұжырымдамасымен бөлісті. Жұмыстарды бағалау кезінде қазылар алқасы безендірудің креативтілігіне, декордың сапасы мен ұқыптылығына, элементтердің үйлесімділігіне және жаңа жылдық тақырыпқа сәйкестігіне ерекше назар аударды.

Курстар бойынша қазылар алқасының құрамы:

• 1 курс: Молдахаликова Алия, Ваканова Сауле Қалиевна, Нұрсамал Қайырғалиқызы
• 2 курс: Вдовиков Андрей Андреевич, Холодило Галина Федоровна, Каркабатова Сулу Эралловна
• 3–4 курстар: Ибраева Сандуғаш Жиентаевна, Суфиярова Людмила Викторовна, Шингельбаева Роза Шақабаевна

Байқау қорытындылары:

1 курс:
III орын — 1 СТ-9, 2СТ-8 тобы
II орын — 1 М-15 тобы
I орын — 1 ХП-27 тобы

2 курс:
III орын — 2 Э-15 тобы
II орын — 2 ПО-8 тобы
I орын — 2 Б-7 тобы

3–4 курстар:
III орын — 3 ПО-7 тобы
II орын — 3 ТЗ-29 тобы
I орын — 4 А-1 тобы

Жеңімпаз кабинеттер жарқын әрі ойластырылған безендірілуімен, идеялардың ерекшелігімен және ұсақ бөлшектерге мән берілуімен көзге түсті. Студенттер шығармашылық қабілеттерін, бастамашылдығын, командада жұмыс істеу және өз еңбектерінің нәтижесін ұсыну дағдыларын көрсетті.

«Үздік жаңа жылдық кабинет безендіру» байқауы мерекеге дайындықтың маңызды бөлігіне айналып, студенттер мен педагогтерді біріктіріп, барлық қатысушыларға көтеріңкі көңіл күй мен жағымды әсер сыйлады.

     Қалқаман А.Қ., Жастар ісі жөніндегі комитеттің инспекторы

#адал_азамат