25 ақпанда колледж студенттеріне туберкулёздің жұғуының алдын алу тақырыбында танымдық дәріс өтті. Дәрісті фтизиатр дәрігер Казбекова Саламат Касымбековна жүргізді.

Кездесу барысында маман туберкулёздің алдын алу шаралары, жұғу жолдары және жеке бас гигиенасын сақтаудың маңыздылығы туралы жан-жақты түсіндіріп өтті. Тұрғын үйді таза ұстау ережелеріне, жүйелі түрде дезинфекция жүргізудің қажеттілігіне, сондай-ақ науқас адаммен байланыс кезінде сақтық шараларын орындауға ерекше назар аударылды.

Студенттер уақтылы тексеруден өтудің маңызы, ауруды ерте анықтаудың қажеттілігі және медицина қызметкерлерінің барлық ұсынымдарын орындаудың маңыздылығы туралы білді. Дәрігер туберкулёздің адам денсаулығына айтарлықтай қауіп төндіретін ауыр дерт екенін және өз денсаулығы мен айналасындағылардың денсаулығына жауапкершілікпен қарау қажет екенін атап өтті.

Іс-шараға 1Б-8, 1Б-9, 1М-15, 1М-16, 1ЭС-25, 1СИБ-1, 1ХП-27 топтарының студенттері қатысты.

Дәріс ашық диалог форматында өтті — білім алушылар белсенді түрде сұрақтар қойып, маманнан жан-жақты жауап алды.

Осындай іс-шараларды өткізу жастардың ақпараттану деңгейін арттыруға және денсаулық мәселелеріне жауапкершілікпен қарау мәдениетін қалыптастыруға ықпал етеді.