Кездесудің тақырыбы АИТВ инфекциясының алдын алу және есірткі заттарын қолданумен байланысты мәселелер болды. Дәрісті профилактикалық жұмыс бөлімінің педагогы Қадрон Серік Ауызбайұлы, «Қостанай облыстық ЖИТС-тің алдын алу және оған қарсы күрес орталығы» КММ өкілі жүргізді.

Іс-шара барысында студенттерге АИТВ-ның берілу жолдары, алдын алу шаралары, сондай-ақ есірткі қолданумен байланысты қауіптер туралы айтылды. Сонымен қатар, өз денсаулығына жауапкершілікпен қарау және салауатты өмір салтын ұстанудың маңыздылығына ерекше назар аударылды.

Дәріс барысында маман студенттердің сұрақтарына жауап беріп, АИТВ туралы кең таралған қате түсініктерді түсіндіріп, уақтылы тестілеуден өтудің және дұрыс ақпарат алудың маңыздылығын атап өтті.

«Салауатты университет» жобасы аясында өткізілетін мұндай іс-шаралар жастар арасында қауіпсіз мінез-құлық дағдыларын қалыптастырып, денсаулық сақтау саласындағы білім деңгейін арттыруға ықпал етеді.